आनंदा बनकर दाम्पत्याला रेणुका देवीची पूजा करण्याचा मान
कोपरगाव प्रतिनिधी :- ब्राम्हणगावातील रेणुका माता देवीच्या यात्रेला सुरूवात झाली आहे. रेणुका देवीची यात्रा बरीच प्रसिद्ध असल्याने देवीच्या दर्शनासाठी पंचक्रोशीतून हजारो भाविक ब्राम्हणगावात दाखल होत असतात. पहाटे ४ वाजेपासून मंदिर दर्शनासाठी उघडले आहे.
या ठिकाणी धारणगाव येथील दक्षिण वाहिनी असलेली गोदावरी नदीतून कावडी भरून आणतात या वेळाचा मान प्रगतशील शेतकरी आनंदा पंढरीनाथ बनकर यांनी २ लाख १२ हजारांचा लिलाव घेऊन त्यानी पूजेचा व कावडीचा मान घेतला असून कावडी भव्य मिरवणूक काढण्यात आली .रेणुका देवीची यात्रा ही तीन दिवस भरणार असून यात लोकनाट्य तमाशा कुस्ती , लाठी काठी व भव्य बैलगाडा शर्यत होणार आहे.
या रेणुका देवीच्या मंदिराला आकर्षक अशी विद्युत रोषणाई देखील करण्यात आली असून ही रोषणाई उपस्थितांचे लक्ष वेधून घेत आहे.तसेच प्रगतशील शेतकरी आनंदा पंढरीनाथ बनकर ,शांताराम आनंदा बनकर ,जगदीश आनंदा बनकर, किशोर आनंदा बनकर यांना ब्राह्मणगाव ग्रामदैवत देवी रेणुका माता यात्रा उत्सव निमित्त २ लाख १२ हजार रुपये देणगी देऊन समस्त ग्रामस्थ ब्राह्मणगाव व यात्रा कमिटीने देवीची महापूजा व कावडीचा पहिला मान दिल्याबद्दल त्यांनी आभार मानले
